Новости
Іван Мележ
Мастак-пастаноўшчык – Ігар Анісенка
Кампазітар – Дзмітрый Фрыга
“Палескую хроніку” Івана Мележа называюць беларускім нацыянальным эпасам. У творы на фоне драматычных падзеяў мінулага стагоддзя разгортваюцца сцэны народнага жыцця, узнімаюцца спрадвечныя пытанні быцця і пошуку шчасця, якое для адных – у каханні і сям’і, для іншых – ва ўладзе і дабрабыце.
На раздарожжы перад выбарам апынаюцца і героі спектакля – Васіль, Ганна і Яўхім. Васіль – бязбацькавіч; выгадаваны ў нястачы, ён хоча цвёрда стаяць на нагах, марыць пра свой кавалак зямлі, уласную гаспадарку. Яўхім – сын працавітага і заможнага бацькі – мае ўсё з маленства і дбае адно пра ўцехі. Абодвум даспадобы вясковая прыгажуня Ганна, абодва чакаюць ад яе выбару на сваю карысць.
Адмыслова для пастаноўкі Аляксандр Гарцуеў стварыў уласную інсцэніроўку рамана. Ранейшая, па словах рэжысёра, была добрая, але адпавядала свайму часу і мела моцны сацыяльны кантэкст. Цэтральнае месца новай інсцэніроўкі займае трохкутнік Яўхім – Ганна – Васіль.
Если вы заметили ошибку в тексте новости, пожалуйста, выделите её и нажмите Ctrl+Enter
App Store
Google Play
Марта Бретт 6 июля 2017 в 12:05
Раю ўсім паглядзець "Людзі на балоце" - спектакль пра жыцце: пра каханне, пра здраду, пра чалавечую слабасць і моц. Акрамя сюжэта і выдатнага акцёрскага ўвасаблення хочацца адзначыць яшчэ прыгожыя дэкарацыі і музыку, якія дапамаглі пагрузіцца ў той час і падзеі.