Фото - постер к событию Незнаёмы Караткевіч на AFISHA.TUT.BY

Незнаёмы Караткевіч

Данное событие уже завершено.
  • Нравится событие? Поделись с друзьями!
Творчая сустрэча «Незнаёмы Караткевіч» адбудзецца 27 чэрвеня ў Музеі гісторыі беларускага кіно

Напрыканцы першага летняга месяца адбудзецца творчая сустрэча «Незнаёмы Караткевіч». Падчас мерапрыемства дырэктар праграмы дакументальнага кіно ММКФ «Лістапад» Ірына Дзям’янава абмяркуе з удзельнікамі асобныя аспекты творчасці нашага славутага земляка. Імпрэза пачнецца а 19-й гадзіне ў кіназале Музея гісторыі беларускага кіно (вул. Свярдлова, 4).


Удзельнікі сустрэчы даведаюцца пра Караткевіча-этнографа, паглядзяць шэраг унікальных дакументальных фільмаў пра Беларусь, створаных па сцэнарыях пісьменніка.

Уладзімір Караткевіч знаёмы нам перш за ўсё як класік беларускай літаратуры, выбітны паэт, празаік і публіцыст. Малавядомай застаецца другая важная частка яго прафесійнай біяграфіі. Караткевіч таксама быў заўзятым этнографам і фалькларыстам, цікавіўся народнымі казкамі, легендамі і паданнямі, якія ён рупліва збіраў не адзін год па ўсёй Беларусі.

У 1960 – 1970-х гадах Акадэмія навук Беларусі ініцыявала шэраг этнаграфічных экспедыцый па краіне. Вынікамі гэтых падарожжаў сталі збор помнікаў гісторыі і культуры Беларусі, артыкулы, эсэ, даследаванні, а таксама дакументальныя кінастужкі, сцэнарыстам некаторых з iх выступіў Караткевіч.

На творчай сустрэчы «Незнаёмы Караткевіч» будуць паказаны малавядомыя шырокай аўдыторыі стужкі «Сведкі вечнасці» (1964), «Будзь шчаслівай, рака…» (1967), «Памяць каменя» (1966) і «Родная зямля» (1972), а таксама пройдзе іх абмеркаванне з удзелам даследчыкаў творчасці Уладзіміра Караткевіча.

Запрашаем далучыцца да сустрэчы і разам адкрыць незнаёмую нам Беларусь Уладзіміра Караткевіча.
Поделиться:

Если вы заметили ошибку в тексте новости, пожалуйста, выделите её и нажмите Ctrl+Enter

Отзывы

0062762