Сериал "Мажор" Смотреть онлайн


Юрась Ускоў, фота Кірыла Хілько,

"Калі мы здымалі трэцюю частку „Любіць па-руску“, працавалі ў Беларусі, тады я напісаў цэлы цыкл песняў на вершы Купалы. — кажа Джыгурда. — Магчыма, мы іх запішам у Кіеве, разам з хард-рокавым гуртам".
 

Мікіта Джыгурда лічыць сябе маральным нашчадкам Уладзіміра Высоцкага, эратычным мутантам, і, кажуць, што з нядаўняга часу — Богам. Пра ягоную творчасць чулі ўсе, з расійскага тэлебачання ён не знікае — хто яшчэ возьмецца чытаць у прамым эфіры "манадныя" вершы, дзе з прыстойных словаў толькі прыназоўнікі,а калі надта спатрэбіцца, пойдзе біцца з суразмоўцам. Ролікі з удзелам Джыгурды маюць тысячы праглядаў нават у тым выпадку, калі ён сіплым басам прамаўляе толькі "Добры дзень! Я — Мікіта Джыгурда". Гледачоў у такіх ролікаў будзе паболей, чым ва ўсіх трох частак фільма "Любіць па-руску", дзе Джыгурда граў адну з галоўных роляў.
 
У Мінск Джыгурда прыехаў з прэзентацыяй кнігі і сваёй творчасці, як яна ёсць. "Наша Ніва" адправілася на творчы вечар Мікіты Джыгурды, каб даведацца каму і навошта ён будзе чытаць свае нецэнзурныя вершы і што спяваць.


 


"Люююбіць!!!" — крычу я, а Бацька крычыць — "Па-ррруску!!!"

 

"Гэтую песню са мной спяваў Бацька!" — раве са цэны Мікіта Джыгурда. — "Мы здымалі тут трэцюю частку "Любіць па-руску", ніхто нам грошы не даваў на фільм, усе хацелі зрабіць яго сваёй агіткай перад выбарамі, а Бацька — даў! І вось я спяваю, ён сядзіць у першым шэрагу, вакол ахова, я спускаюся зх мікрафонам, падношу яму. "Люююбіць!!!" — крычу, а Бацька — "Па-ррруску!!!". Я кажу "правільна".
 

 

Мікіта Джыгурда зладзіў у клубе "Мулен Руж" свой "Творчы вечар". На сцэне спявак, акцёр, і галоўны фрык расійскай эстрады з’явіўся ў скураных штанах, адразу ж накінуўся на мікрафонную стойку, пачаў з ёй скакаць, і спяваць нешта пра тое, што кожны чалавек "алхімік духа". Пасля перайшоў на Высоцкага, у перапынках паміж песнямі расказваючы складана вызначыць пра што — апроч вершаў, у якіх галоўным героем выстаў "сусветны фалас", ён раптоўна пераходзіў на паганства, барацьбу з мітрапалітам Гундзяевым, прыгажосць Беларусі, сваё дысідэнцтва і іншыя неўзаемазвязаныя рэчы.




 
Публіка на канцэрце здзівіла не меней — паколькі квіткі каштавалі ад 180 тысяч рублёў (што, дарэчы, даражэй, чым, напрыклад, хай ненатуральны але Dire Straits тыдзень таму), мэтавая аўдыторыяй Джыгурды апынуліся сямейныя кампаніі за сорак, дзе жанчыны носяць косы і хімічныя завіўкі, а мужчыны ледзь не фрак, і замаўляюць яны па некалькі бутэлек шампанскага адразу, каб пасля стоячы піць пад тосты, якія Джыгурда прамаўляе са сцэны.

Перад уваходам у клуб, прадаюцца магніцікі на лядоўню з выявай Джыгурды — па 15 000 рублёў штука, і фота — па 10 тысяч, разам камплектам — атрымаецца танней.


 
"Я зараз прачытаю верш, які Бацька мусіць прачытаць амерыканцам!" — крычыць Джыгурда. Прывесці тэкст верша на сайце мы не можам па маральна-этычных прычынах, скажам толькі, што ў мяркуемым звароце, словаспалучэнні "абкласці х…мі", "духоўныя п.расы" і іншыя цікавыя рэчы сустракаліся неаднаразова.
 
Часам Джыгурда пачынаў расказваць, як здымаўся ў эратычных сцэнах. "Свой фільм „Эратычны мутант“ я здымаў у Беларусі. У Расіі было нельга, казалі парнаграфія, а „Беларусьфільм“ узяўся".
 
Джыгурда выклікаў у публікі шчырае захапленне. Песню "любіць па-руску" спявалі хорам, з залы крычалі нешта пра неадкладнае аб’яднанне Расіі і Беларусі, а Джыгурда працягваў выказваць сваю грамадскую пазіцыю. Як высветлілася ён — прыхільнік негвалтоўнага супраціву. Сказаў ён пра гэта, канешне, іншымі словамі, але сэнс быў менавіта такі.
 
У канцы выступу Джыгурда прэзентаваў кнігу "Вертыкаль рускага мату, ці батарэйка Бога".


 
"Мае знаёмыя філолагі сказалі, што такога ў рускай літаратуры раней не было." — кажа Джыгурда, які сапраўды ўзрадаваны тым, што кніга выйшла за тыдзень да прыняцця новага закону аб парнаграфіі.
 
Публіка ўспрымала вершы з яшчэ большым захапленнем, чым песні. Пад канец Джыгурда канчаткова перайшоў у вобраз юродзівага, зламаў другі за вечар мікрафон, сарваў авацыю, упаў на калені і сышоў.
 
Выклікалі на біс.




 

"Ствараем духоўны фалас і кладзем на кіраўніцтва"
 

Пасля канцэрта адбылася прэс-канферэнцыя Джыгурды, куды ён выйшаў у зусім іншым вобразе. Менавіта там стала заўважна, што ён, як тэатральны акцёр, выдатна валодае літаратурнай мовай, і ў жыцці дыяметральна адрозніваецца ад сябе ж на сцэне.


 
"Я выходжу ў вобразе юродзівага, гэта людзям падабаецца, — кажа Джыгурда. — Але я не мільянер, я не пагаджаюся, калі мяне імкнуцца купіць за грошы, бо не хачу быць духоўным п.расам. Я не мацюкаюся ў жыцці, толькі калі, ведаеце, малатком па пальцу".
 
На пытанне, ці чуў Джыгурда пра забароны ў Мінску канцэртаў па маральна-этычных прычынах, спявак адказаў, што так, чуў.

"Мы ж ведаем, якая жэсць у вас тут адбываецца. — кажа Джыгурда. — Але і ў Расіі, і ва Украіне тое самае. Людзі, якія на мяне прыйшлі, ведалі што іх тут чакае. Да 18 год сюды увогуле не пускаюць. З іншага боку, я ж не абражаў вашае кіраўніцтва, не абкладаў яго х…мі. Я не бачу нагодаў, каб забараняць канцэрты, свае альбор чужыя".
 
Пасля Джыгурда пераключыўся на тлумачэнне таго, чаму прыкідваецца юродзівым.
 
"Я лепей буду выступаць у сваіх масках, прыкідвацца ідыётам, але буду рабіць тое, што хачу, але не ў імя грошаў. І праз гэту творчасць я дзялюся з людзьмі сваімі ідэямі, але ці чуюць яны іх — я мяркую, што чуюць".
 
Тут жа ўзгадаўся і Янка Купала. Пасля чаго Джыгурда сказаў, што ніколі не выйдзе на плошчу, і іншым не раіць, бо лепей змагацца негвалтоўна, пры дапамозе розных практык, і заўжды жадаць дабра і ставіцца з любоўю да сваіх ворагаў.
 
"Збіраемся дзе-небудзь разам. — раіць Джыгурда. — Калектыўна ствараем духоўны фалас, і кладзем яго на нашага прэзідэнта. У добрым сэнсе слова кладзем" — удакладніў спявак.

 

 

 

Все фильмы онлайн
Все фильмы онлайн
Все фильмы онлайн
0062148