Культура


29 верасня ў кінатэатры "Беларусь" Брэста адбудзецца ўрачыстая цырымонія адкрыцця VIII Рэспубліканскага фестывалю беларускіх фільмаў, якая пачнецца з сустрэчы знакамітых артыстаў на чырвонай дарожцы перад уваходам у кінатэатр.

У цырымоніі адкрыцця прымуць удзел знакамітыя госці: народная артыстка Расіі Вольга Астраумава, народны артыст РСФСР Анатоль Кузняцоў - выканаўца ролі Сухава з кінафільма "Белае сонца пустыні" (рэж. У. Матыль), а таксама саліст беларускай эстрады, выканаўца ролі ў фільме адкрыцця фестывалю "Скрасці Бельмандо" (рэж. М. Князеў) - Пётр Ялфімаў. Дарэчы, прыхільнікі Вольгі Астраумавай змогуць сустрэцца з любімай артысткай на яе творчым вечары ў Пружанах 30 верасня.

Для ўдзелу ў фестывалі было прадстаўлена каля 90 фільмаў. У выніку адбору прыме удзел 51 фільм: 6 анімацыйных, 4 ігравых, 5 тэлевізійных ігравых (тэлесерыялы), 19 неігравых, 17 студэнцкіх.

Усе беларускія фільмы прадставяць іх стваральнікі, сярод якіх вядомыя акцёры - народны артыст БССР Генадзь Гарбук, народны артыст Беларусі Сяргей Журавель, заслужаны артыст Рэспублікі Беларусь Анатоль Кацянёў, актрысы і тэлевядучыя Вольга Венская, Святлана Бароўская, Вольга Водчыц, акцёры тэатра і кіно Віктар Рыбчынскі, Анастасія Баброва, Уладзімір Грыцэўскі (малодшы), Віктар Васільеў, Святлана Кажамякіна, Юрый Баранаў, Аксана Лясная і шмат іншых.

Склад журы фестывалю ўзначаліць кінакрытык, член Расійскай акадэміі кінематаграфічных навук "Ніка", Еўразійскай кінаакадэміі, Саюза кінематаграфістаў і Саюза пісьменнікаў Расійскай Федэрацыі, віцэ-прэзідэнт Гільдыі кінаведаў і кінакрытыкаў Расіі, аўтар кнігі аб народным артысце СССР кінарэжысёры Віктары Тураве, член журы першага Рэспубліканскага фестывалю беларускіх фільмаў у 1997 годзе Леанід Паўлючык.

Цырымонія закрыцця фестывалю адбудзецца 2 кастрычніка з удзелам расійскага акцёра тэатра і кіно Аляксандра Цуркана, які выступіць з канцэртнай праграмай. У рэпертуары Аляксандра Цуркана асобае месца займаюць песні ваенных гадоў, якія ён прысвячае свайму дзеду, загінуўшаму на брэсцкай зямлі.
Смотрите онлайн бесплатно
Всё видео онлайн
Все фильмы онлайн
Все фильмы онлайн
Все фильмы онлайн
  • Скидка до 20% на квест "Во сне с Фредди Крюгером" в PodZamkom
Все заведения
0057419