Фото - постер к выставке Праект: Малая радзіма - аповесць часоў на AFISHA.TUT.BY

Праект: Малая радзіма - аповесць часоў

Расписание

С 15 мая по 1 июля,
ПН–ПТ 10:00—21:00
СБ–ВС 10:00—18:00

«Погляд, звернуты да радзімы»: стартуе другі этап выставачнага праекта
да Года малой радзімы.


15 мая 2018 года а 16-й гадзіне ў Нацыянальнай бібліятэцы Беларусі (пр. Незалежнасці, 116, 3-ці паверх) адкрыюцца фотапраект «Я сэрцам бачу» і інфармацыйна-дакументальная выстаўка «Тутэйшыя».

Новыя экспазіцыі працягваюць выставачны праект Нацыянальнай бібліятэкі «Малая радзіма – аповесць часоў», прымеркаваны да Года малой радзімы.
У галерэі «Атрыум» (3-ці паверх) сваім асаблівым бачаннем нашай краіны праз прызму фотаапарата падзеляцца знакамітыя фатографы, аб’яднаныя праектам тэлеканала «Беларусь 24» «Я сэрцам бачу». Да ўвагі − самыя яркія фотаздымкі, прысвечаныя Беларусі: багатая прыродная спадчына, дзікія жывёлы, культурныя славутасці і важныя падзеі.

Здейсніць шпацыр па гарадам Беларусі запрашае панарамны фатограф, стваральнік віртуальных тураў Станіслаў Багдзевіч, паназіраць за дзікай прыродай і атрымаць асалоду ад выдатных пейзажаў родных мясцін прапануюць фотамастакі Ігар Бышнёў, Сяргей Плыткевіч, Максім Мекшын і Сяргей Тарасаў.

Рэпартажны фатограф Ілля Гелей падзяліўся фотаздымкамі беларусаў, розных прафесій і ўзросту, з розным адчуваннем жыцця і поглядамі. Фатаграфіі Мікіты Церахава паказваюць архітэктуру з незвычайнага ракурсу, адлюстроўваюць хараство гарадскога асяроддзя. А «мабільны» Аляксандр Меклер сваімі работамі даказвае, што для добрага фота не патрэбна дарагая тэхніка – хопіць звычайнага тэлефона, бо фатаграфія – гэта не тэхніка, на якую мы яе робім, фатаграфія – гэта мы самі.

У кальцавым калідоры 3-га паверха адкрыецца інфармацыйна-дакументальная выстаўка з фондаў бібліятэкі «Тутэйшыя». Больш за 300 тэматычных выданняў распавядаюць пра славутыя імёны асветнікаў, дыпламатаў, палкаводцаў, касманаўтаў, вынаходнікаў, дзеячаў культуры, спартсменаў, якія нарадзіліся «ТУТ» − у Беларусі, а таксама вылучыліся сваімі талентам і здольнасцямі за яе межамі. Выстаўка мае шэсць разделаў, кожны з якіх прадстаўляе пэўны абласны горад і вобласць у цэлым, і будзе доўжыцца да 31 снежня 2018 года.

Пазнаёміцца з фотавыстаўкай «Я сэрцам бачу» запрашаем да 1 ліпеня 2018 года. Дата завяршэння работы выстаўкі можа быць зменена!

Тэлефон для даведак: (+375 17) 266 37 37, 293 28 23.
Е-mail: pr@nlb.by
 

Поделиться:

Если вы заметили ошибку в тексте новости, пожалуйста, выделите её и нажмите Ctrl+Enter

Отзывы

  • Скидка до 20% на квест "Во сне с Фредди Крюгером" в PodZamkom
Все заведения