Фото - постер к выставке Выстаўка Вячаслава Паўлаўца “Акварэльны сусвет” на AFISHA.TUT.BY

Выстаўка Вячаслава Паўлаўца “Акварэльны сусвет”

Данное событие уже завершено.
  • Нравится выставка? Поделись с друзьями!

26 студзеня 2019 г. у Нацыянальным цэнтры сучасных мастацтваў Рэспублікі Беларусь (вул. Някрасава, 3) будзе адкрыта выстаўка Вячаслава Паўлаўца “Акварэльны сусвет”, прысвечанай 60-годдзю з дня нараджэння мастака.

Постаць гэтага мастака ў сучасным айчынным мастацтве набыла статус захавальніка традыцыі, паслядоўніка вядучых майстроў ХХ стагоддзя – Аркадзя Астаповіча, Віталя Цвірко, Зоі Літвінавай. З аднаго боку, ён утрымлівае першапачаткова высокі ўзровень беларускай рэалістычнай акварэльнай школы, з другога – пастаянна эксперыментуе, ствараючы адмысловы тып метафізічнай акварэлі.

Яго безумоўныя шэдэўры – манахромныя мінімалістычныя пейзажы. Паўлавец, можна сказаць, апеў і ўзвысіў да паэтычнай метафары беларускі бяссонечны «шэранькі дзянёк», у якім ён убачыў дзясяткі найтанчэйшых нюансаў. У мастака атрымалася графічна «сфармуляваць» беларускі пейзаж, ператварыўшы яго ў чысты эстэтычны феномен. У яго акварэлях можна пачуць мелодыку нашага краю з таго боку, з якога яе яшчэ не разглядалі. Яны абсалютна гарманічныя і распазнавальна нацыянальныя.

Работы Вячаслава Паўлаўца заўсёды пазнаеш па адмысловым гарманічным вобразным ладзе – найчыстай паэзіі ў акварэлі. Можна назваць яго традыцыйна – майстрам «пейзажу настрою», незвычайна чуткім да прыроды, да самапазнання чалавека праз прыроду і тварэння ў гармоніі з ёю.

Падчас адкрыцця адбудзецца прэзентацыя альбома-каталога твораў Вячаслава Паўлаўца “Акварэльны сусвет”. У ім прадстаўлена каля 100 акварэльных пейзажаў апошніх трыццаці год яго творчасці – ад першых самастойных работ 1980-х да аркушаў, выкананых у 2018 годзе ў Германіі, дзе яго графіку асабліва цэняць. У выданне ўвайшлі і творы, што захоўваюцца ў Нацыянальным цэнтры сучасных мастацтваў Рэспублікі Беларусь.

Па матэрыяле артыкула
мастацтвазнаўцы Надзеі Усавай
Выстаўка працягнецца па 23 лютага 2019 г.


Даведкі па тэлефоне: +375 (17) 399 09 79
________________________________________

ПАЎЛАВЕЦ ВЯЧАСЛАЎ ГЕНАДЗЕВІЧ

Нарадзіўся 01.10.1959 г. у горадзе Бійску Алтайскага краю ў сям'і вайскоўца і настаўніцы. З 1971 па 1976 год вучыўся ў дзіцячай мастацкай школе №1 горада Мінска. У 1982 годзе скончыў Беларускі дзяржаўны тэатральна-мастацкі інстытут. У 1984 – 2004 гадах і з 2015 па сенняшні дзень з’яўляецца мастацкім рэдактарам часопіса «Мастацтва».
Жыве і працуе ў Мінску.
Выстаўкі (выбранае)
2018 Персанальная выстаўка «Крокі па вадзе», Нацыянальная бібліятэка Рэспублікі Беларусь
2017 Персанальная выстаўка «Каляровая плынь», Нацыянальны полацкі музей-запаведнік, г. Полацк
2016 Персанальная выстаўка, Дзяржаўны літаратурна-мемарыяльны музей Якуба Коласа, г. Мінск
2015 Выставачны праект «Tour de Беларусь. Этап: Мінск-Полацк-Мінск», г. Мінск
2012 Персанальная выстаўка «Акварэалізм», Нацыянальная бібліятэка Рэспублікі Беларусь
2011 «Вада+фарба» г. Полацк, г. Мінск
2011 «Зямля пад белымі крыламі», Нацыянальны мастацкі музей Рэспублікі Беларусь, г. Мінск
2010 Персанальная выстаўка, музей Бялыніцкага-Бірулі, г. Магілёў
2010 «Art Belarus», Galeria Sztuki, г. Варшава, Польшча
2009 Персанальная выстаўка, Рэспубліканская мастацкая галерэя «Палац мастацтва», г. Мінск
2006 Персанальная выстаўка «Перакрыжаванні часу», Нацыянальны мастацкі музей Рэспублікі Беларусь, г. Мінск

Поделиться:

Если вы заметили ошибку в тексте новости, пожалуйста, выделите её и нажмите Ctrl+Enter

Отзывы

Похожие выставки

Самые популярные события

0065988