Фото - постер к выставке Да 80-годдзя з дня нараджэння Уладзіміра Мулявіна "Быў, ёсць, буду…" на AFISHA.TUT.BY

Да 80-годдзя з дня нараджэння Уладзіміра Мулявіна "Быў, ёсць, буду…"

Сохранить
Сохранить событие

О событии

З 11 студзеня ў Музеі гісторыі тэатральнай і музычнай культуры
пачынае працу выстаўка да 80-годдзя з дня нараджэння Уладзіміра Мулявіна «Быў, ёсць, буду…»


Уладзімір Мулявін (12.01.1941 – 26.01.2003гг.) – выбітны беларускі артыст, кампазітар, заснавальнік і мастацкі кіраўнік беларускага вакальна-інструментальнага ансамбля «Песняры».

Творчую дзейнасць у Беларусі пачаў у 1962 г. У 1969 г. становіцца мастацкім кіраўніком створанага ім вядомага ансамбля “Песняры” (першапачатковая назва - “Лявоны”). Творчасць гэтага славутага калектыва аб’яднала нацыянальную паэтычную фальклорную спадчыну ў адзіную плынь з сучасным меладызмам, адкрыла новы накірунак беларускага эстраднага мастацтва.

Важнай асаблівасцю дзейнасці У. Мулявіна з’яўляецца яднанне вакала, інструментальнай музыкі і паэзіі. Сярод найбольш значных яго твораў “Песня пра долю”, вакальны цыкл “Я не паэта”, музычны спектакль “На ўвесь голас” паводле паэмы У. Маякоўскага і іншыя. Талент У. Мулявіна даў новае жыццё беларускім народным песням “Касіў Ясь канюшыну”, “Рэчанька”, “Купалінка”, “Перапёлачка”.

Творчасць і імя Уладзіміра Мулявіна шырока вядомы за межамі Беларусі, ён разам з калектывам пабываў у многіх краінах свету, дзе слухачы і гледачы захапляліся канцэртамі ансамбля. Ён удастоены звання народнага артыста Беларусі і СССР, узнагароджаны ордэнам Францыска Скарыны, стаў лаўрэатам шматлікіх конкурсаў і фестываляў. У Маскве на “Алеі зорак” ззяе яго зорка.

Выстаўка ўключае ўнікальныя экспанаты з фондаў нашага музея: нотныя рукапісы У. Мулявіна; фотаздымкі; эскізы касцюмаў Юрыя Піскуна, Вольгі Дзёмкінай; канцэртныя строі “Песняроў”; магнітная стужка з рабочым варыянтам сумеснай працы калектыва “Песняры” пад кіраўніцтвам У. Мулявіна з групай “New Christie minstrels”.

Выстаўка з’яўляецца сумесным праектам з Музеем Ул.Г.Мулявіна Беларускай дзяржаўнай філармоніі. Фонды Музея Ул.Мулявіна прадставілі некалькі касцюмаў, буклеты, праграмы канцэртаў, а таксама аўтабіяграфія У.Г.Мулявіна. На выстаўцы будуць гучаць песні “Песняроў”, відэа з канцэртаў.
Выстаўка дае магчымасць наведвальнікам музея яшчэ раз дакрануцца да адметнай творчасці У.Мулявіна, прайсці зорнымі шляхамі ансамбля “Песняры”.


г. Минск, пер. Музыкальный, 5
Ежедневно с 10:00 до 17:30
тел. 220-26-67
theatre.histmuseum.by

 
Поделиться:

Если вы заметили ошибку в тексте новости, пожалуйста, выделите её и нажмите Ctrl+Enter

Отзывы

Самые популярные события

  • Скидка 30% при заказе пиццы навынос Титан
Все заведения