Фото - постер к концерту Гурт ":B:N:" з прэзэнтацыяй альбома "Крок за крокам" на AFISHA.TUT.BY

Гурт ":B:N:" з прэзэнтацыяй альбома "Крок за крокам"

Данное событие уже завершено.
  • Нравится концерт? Поделись с друзьями!

Эксклюзіўная прэзентацыя на Еўрарадыё!

Трэцяя пласцінка бярозаўскай каманды атрымала назву "Крок за крокам". Пласцінка была гатовая да выдання яшчэ вясной, але хлопцы вырашылі перачакаць "мёртвы" летні сезон.  

У выніку ў альбом увойдуць 14 кампазіцый плюс бонус-трэк – кавер на песню "Песняроў" "Чырвоная ружа". Да таго ж у альбом увайшла песня-дуэт, якая мае назву "Нас няма" і запісаная разам з Кацярынай Муратавай, з якой музыкі знаёмыя з часоў вучобы ва Універсітэце культуры.  

"Альбом зноўку атрымаўся пра каханне! — смяецца франтмэн гурта Алесь Лютыч. — Як жартуюць нашы сябры з IQ-48, што гурт :B:N: грае ў стылістыцы "баба-рок". Але ўсё ж альбом не толькі пра каханне да дзяўчыны, але і пра каханне да Радзімы, і да добрага адпачынку і да іншага".

 Што тычыцца гучання альбома, тут :B:N: засталіся вернымі сабе. Як распавядае Алесь Лютыч, некаторыя песні будуць значна лягчэйшымі, чым на папярэдніх пласцінках, некаторыя наадварот — больш цяжкімі. Да напісання тэкстаў, за якія звычайна быў адказны Сяргей Машковіч, гэтым разам далучыліся Яўген Бузоўскі з IQ-48 ды бас-гітарыст :B:N: Аляксандр Зайцаў. Запісаць альбом :B:N: вырашылі на прыватнай студыі свайго сябра ў Мінску.

 Прэзентацыя "Крок за крокам" адбудзецца ў клубе Re:Public 10-га кастрычніка пры ўдзеле гурта Pananieba. :B:N: абяцаюць сыграць усё самае новае і выбранае з ужо вядомага:

 "У нас будзе вялікі сэт з 32 песень — увесь новы альбом ды нашы старыя хіты. Плануем адыграць гадзінкі 2,5 не менш! Думаю, прыхільнікам нашай творчасці павінна спадабацца, бо нарэшце яны змогуць пачуць нажыва песні, якія мы ўжо шмат гадоў не гралі".

Праслухаць альбом можна цалкам TUT


10 кастрычніка, клуб Re:public.
Гурт :
B:N: з прэзэнтацыяй трэцяга альбома "Крок за крокам"

Найлепшы топ-гурт Беларусі!
Лідэры айчыннай рок-сцэны!
Трэці альбом нарэшце гатовы!

Кошт квіткоў:
50 000 - першыя 100
60 000 - астатнія папярэдне
70 000 - у дзень канцэрту. танцпол
80 000 - месца за столікам + кампакт-дыск ад БМАgroup у падарунак!

Кропкі продажу квіткоў:
клюб Re:public
пераход Я.Коласа
пераход Гум
ГЦ Купалаўскі, 19 кропка
ГЦ Рыга, 18 кропка

Даведкі: 029-6490888, 033-3091137

Поделиться:

Если вы заметили ошибку в тексте новости, пожалуйста, выделите её и нажмите Ctrl+Enter

Отзывы

Самые популярные события

0062601