Фото - постер к концерту Гурт Pani malala на AFISHA.TUT.BY

Гурт Pani malala

Данное событие уже завершено.
  • Нравится концерт? Поделись с друзьями!
  • Горящее событие
Городской музыкальный фестиваль «21vek»

Подробнее о событии

Упершыню ў Ноч музеяў пад шкляным купалам Мінскай гарадской ратушы адбудзецца цудоўная музычна-мастацкае дзея!

19.05 у 22.00 гурт PANI malala разам з мастаком пясочнай анімацыі Вольгай Радзецкай распавядуць “Пра дзявочыя мроі, што лунаюць на хвалях лёсу…”
Містычнае спалучэнне этнічных народных матываў і пясочнай анімацыі захапляе і кранае да самага сэрца...

Гурт PANI malala - эксперыментальны гурт у складзе трох дзяўчат, вакалістак і музыкаў адначасова, працуе з кожнай народнай песняй, як з гісторыяй, што захапляе сваёй асабістай драматургіяй. Музыка, якую стварае калектыў, насычаецца дзеяннем, подыхам сучаснасці і ўвасабляе сапраўднае жыццё, якое адбываецца тут, зараз, на вашых вачах. Беларускія, рускія і польскія песні, як маленькія эпізоды адной вялізнай п’есы, разгортваюць драматургічную стужку канцэрта.

Цымбалы, акардэон, кахон, акарыны, варган, казу і шмат іншых інструментаў ствараюць дзівосныя гукавыя карціны, якія заміраюць каляровымі палотнамі пясочных вобразаў мастака Вольгі Радзецкай. Чароўныя малюнкі з’яўляцца не толькі шыкоўнымі дэкарацыямі, што адлюстроўваюць месца дзеяння нашай з вамі гісторыі, але і адыгрываюць ролю сапраўднай дзеючай асобы…

Праект Юліаны Шырма адчыняе дзверы ў гукавы свет фальклору, які праз пясочныя вобразы становіцца явай.

Пачатак: 22:00
Мінская гарадская Ратуша, пл.Свабоды 2А
Цэнтральны уваход, зала пад шкляным купалам.

Колькасць месцаў абмежавана!
Кошт квітка: 5 руб.

Поделиться:

Если вы заметили ошибку в тексте новости, пожалуйста, выделите её и нажмите Ctrl+Enter

Отзывы

0060568