Фото - постер к концерту XIV фестываль духоўнай музыкі "Залатагорская ліра" на AFISHA.TUT.BY

XIV фестываль духоўнай музыкі "Залатагорская ліра"

Данное событие уже завершено.
  • Нравится концерт? Поделись с друзьями!

XIV ФЕСТЫВАЛЬ ДУХОЎНАЙ МУЗЫКІ
ЗАЛАТАГОРСКАЯ ЛІРА


Касцёл Найсвяцейшай Тройцы (святога Роха)
на Залатой Горцы ў Мінску
(пр. Незалежнасці, 44А)
02/04-05/04/2018


ПРАГРАМА ФЕСТЫВАЛЮ


2 КРАСАВІКА 2018, ПАНЯДЗЕЛАК, 20:00

Канцэрт арганнага класа ДМШМ №1 г. Мінска
Педагог – Святлана РЭЗЬКО
Выканаўцы:
Дзмітрый Макееў, Павел Дзяркоў, Андрэй Баркун, Марыя Солтанава, Канстанцін Кіслюк, Мацвей Ігумнаў, Ганна Козак, Арына Залатарова, Алена Сцепанцова, Павел Прымакоў

У праграме:
А.Кабесон, І.Пахельбель, І.К.Фішэр, Д.Карысімі, Д.Букстэхуде, І.С.Бах, І.Брамс, Р.Вагнер, Э.Лемэгр, Э.Батыст, Л.Армстронг, К.Джэнкінс

Падрабязная праграма:
1. Д.Букстэхуде – Сарабанда (Дзмітрый Макееў, 2 клас)
2. І.Фішэр – Прэлюдыя, фуга і фінал (Павел Дзяркоў, 3 клас)
3. І.Фішэр – Прэлюдыя сі мінор (Андрэй Бакун, 3 клас)
4. Э.Батыст – Offertorium (Андрэй Бакун, 3 клас)
5. Л.Армстронг – Go Down Moses
6. І.Брамс – Калыханка (Канстанцін Кіслюк, віяланчэль, 4 клас і Марыя Солтанава, арган, 2 клас)
7. Невядомы аўтар – Прэлюдыя (Мацвей Ігумнаў, 5 клас)
8. І.Фішэр – Прэлюдыя Рэ-мажор (Мацвей Ігумнаў, 5 клас)
9. Д.Карысімі – Прэлюдыя і фуга (Ганна Козак, 6 клас)
10. К.Джэнкінс – Паладыё (Ганна Козак, 6 клас)
11. І.С.Бах – Прэлюдыя і фуга Фа-мажор (Арына Залатарова, 7 клас)
12. І.Пахельбель – Таката мі-мінор (Павел Прымакоў, 3 клас)
13. І.С.Бах – Прэлюдыя і фуга До мажор (Павел Прымакоў, 3 клас)
14. А.Кабесон – Pavana con su glosa (Павел Прымакоў, 3 клас)
15. А.Кабесон – Romance. Para quién crié yo cabellos (Павел Прымакоў, 3 клас)
16. І.С.Бах–Ш.Гуно – Аvе Маria (Алена Сцепанцова, 4 клас)
17. Р.Вагнер – Вясельны марш з оперы “Лаэнгрын” (Алена Сцепанцова, 4 клас)
18. Э.Лемэгр – Grand Chorus (Павел Прымакоў, 3 клас)

Вядучая канцэрта – Таццяна Афоніна

5 КРАСАВІКА 2018, ЧАЦВЕР, 20:00

Канцэрт старадаўняй музыкі

Штэфані КАЙЗЕР (сапрана, Германія)
Пітэр КУБІШ (арган, Германія)
Таццяна БЯЛЬКОВІЧ (тэорба, Беларусь-Германія)
Галіна МАЦЮКОВА (флейты)

У праграме:
І.С.Бах, Г.Ф.Тэлеман, Х.Шутц, Г.Пёрсэл, А.Піччыні

Падрабязная праграма:
J.S. Bach: Sopranarie „Was Gott tut, das ist wohlgetan“ (BWV 100 „Was Gott tut, das ist wohlgetan“)
G.P. Telemann: Kantate „Deines neuen Bundes Gnade" TWV 1:212
H. Schütz. O süßer, o freundlicher. aus: Kleine geistliche Konzerte I. SWV 285
J.S. Bach: Aria "Seele, deine Spezereien" (BWV 249 „Kommt, eilet und laufet“)
J.S. Bach: Aria „Höchster, mache deine Güte“ (BWV 51 „Jauchzet Gott in allen Landen“)
H. Purcell “The Blessed Virgin's Expostulation”
A. Piccinini Toccata VI J.S. Bach: Aria „Meine Seele sei vergnügt“ (BWV 204 "Ich bin in mir vergnügt")

Штэфані Кайзер, сапрана. Вывучала вакал у прафессара Монікі Мондельхаўер (сучасны вакал), Гундулы Андэрс і Яна ван Эльзакера (факультэт старадаўняй музыкі) у Вышэйшай школе музыкі г. Тросінгена (Германія). Вялікі ўплыў на яе выканальніцкі стыль аказалі Борк-Фрыцьёф Сімт, Артур Шондэрвоерд, Джон Холаўэй, Антон Штэк і Дзітэр Вайтц. З 2015 года выступае як салістка ў разнастайных канцэртах і музычных праектах, у тым ліку з ансамблем 01-Klangwerk (Кемніц), Dresdner Barockorchester, Mittelsächsischen Philharmonie, Sinfonietta Dresden… З’яўляецца сталым удзельнікам ансамбля ensembleAURICULA.

Пітэр Кубіш, арган. Вывучаў дырыжыраванне ў прафесара Ханса Хрыстафа Радэмана ў Вышэйшай школе музыкі ім. К.М. фон Вебера ў Дрэздэне. З 2002 года кіруе камерным хорам A-cappella ў Фрайбергу. Праекты гэтага калектыва знаходзяць шырокі водгук у публікі і прэсы. Працуе як дырыжор са шматлікімі аркестрамі ў Германіі і за яе межамі. Да 2012 года з’яўляўся дырыжорам і капельмайстрам тэатра ў Фрайбергу. Выкладчык харавога дырыжыраваньня Харавога саюза Саксоніі, кіраўнік штогадовага Харавога семінара Саксоніі. Як клавісініст і арганіст канцэртуе з ансамблем ensembleAURICULA.

Таццяна Бяльковіч, тэорба. Вывучала старадаўнія гітарныя і лютневыя інструменты ў прафесара Рольфа Ліслеванда ў Вышэйшай школе музыкі г. Тросінгена (Германія). Выступае з сольнымі праграмамі і ў складзе камерных ансамбляў і аркестраў. У рэпертуары творы еўрапейскага Адраджэння, французскага і італьянскага барока. Пастаянная ўдзельніца ансамбляў L'Arabesque і Calma. Супрацоўнічала з ансамблямі і аркестрамі “Камерныя салісты Мінска”, “La voce delle corde”, Bachchor Stuttgart, A-cappella-Kammerchor, Ensemble Cantico, Rastatter Barockorchester і іншых.

8 КРАСАВІКА 2018, НЯДЗЕЛЯ, 12:00


Адкрыццё выставы графікі
“ЦЫКЛОН”
Ягора АРЛОВА

Ягор Арлоў – навучэнец студыі пры касцёле Найсв. Тройцы "Крылы натхнення". “Цыклон” – першая персанальная выстава маладога мастака. Усе работы выкананы каляровымі алоўкамі, усяго на выставе прадстаўлена больш за 30 работ.
Куратар выставы – мастак Надзя Бука.

8 КРАСАВІКА 2018, НЯДЗЕЛЯ, 20:00

Канцэрт арганнай музыкі

НОВЫЯ ІМЁНЫ

Артур ПАЛАСУХІН
Святаслаў ПАРФЁНАЎ

Артур Паласухін (19 гадоў) з'яўляецца студэнтам 3-га курса Баранавіцкага музычнага каледжа па класе фартэпіяна ў выкладчыка Вольгі Крашэніннікай. У 2017 годзе атрымаў дыплом у намінацыі "Натхненне" на рэспубліканскім фестывалі-конкурсе фартэпіяннай музыкі "Музычныя іскрынкі". На аргане Артур пачаў іграць у 12 гадоў на набажэнствах у касцёле. Сістэматычным засваеннем майстэрства арганнага выканальніцтва займаецца ўжо тры гады, пачаўшы навучанне спачатку ў арганісткі Калінікі Мядзведзевай, а затым у мінскага арганіста Юрыя Габруся, з якім і займаецца да гэтага часу. Адным з вынікам вучобы стаў дэбютны сольны арганны канцэрт у Мінскім касцёле святых Сымона і Алены.

Святаслаў Парфёнаў (39 гадоў) – выпускнік Беларускай дзяржаўнай акадэміі музыкі (фартэпіяна). Браў удзел у майстар-класах у Францыі (Праскае трыа), Германіі (трыа Эміля Кляйна) і Швейцарыі (Рудольф Бухбіндэр, фартэпіяна). Напісаў навуковае даследванне па фартэпіяннай музыцы Чарльза Айвза. Арганам займаецца як дадатковым інструментам пад кіраўніцтвам Юрыя Габруся.

14 КРАСАВІКА 2018, СУБОТА, 19:30

Камерны хор
POLIFONICA
Дырыжор – Павел ШЭПЕЛЕЎ

У праграме:
В.Шамотул, Э.Эшэнвальдс, А.Макор, М.Асандэр, М.Лаўрыдсен, В.Мішкініс, К.Матсушыта, О.Шронэн, Т.О'Рэган

"Polifonica" – гэта аматарскі хор, заснаваны ў 2010 годзе. Ён складаецца з 20 удзельнікаў, кожны з якіх мае досвед харавога спеву. У рэпертуары калектыву – творы беларускай народнай музыкі як царкоўнага, так і свецкага зместу.
Камерны хор "Polifonica" ўдзельнічаў у Міжнародным харавым фестывалі "Apeldoorn Zingt" (Нідэрланды, 2012), Міжнародным фестывалі музыкі Адвэнту і Каляд у Празе (Чэхія, 2012), Міжнародным харавым фестывалі і конкурсе ў г. Корк (Ірландыя, 2013), Міжнародным харавым фестывалі "La Fabbrica del Canto" ў г. Леньяна (Італія, 2013). У кастрычніку 2013 хор заняў III месца на Міжнародным харавым фестывалі ў г. Дзеры (Паўночная Ірландыя). У кастрычніку 2014 даў канцэрты ў г. Токіа (Японія), прымаў удзел у міжнародным фестывалі ў г. Каруізава. Вясной 2015 хор гастраляваў у Нідэрландах і Паўночнай Ірландыі.

15 КРАСАВІКА 2018, НЯДЗЕЛЯ, 20:00

Маладзёжны камерны хор
SALUTARIS
Мастацкі кіраўнік – Вольга ЯНУМ

У праграме:
Меса Ф.Міладоўскага, духоўныя творы Т.Яшвілі, А.Шнітке, А.Пярта, В.Мішкініса, Э.Эшэнвальдса, Д.Ранстэда і інш.

Камерны хор "Salutaris" створаны ў 2007 годзе. У 2008 годзе калектыў стаў асноўным удзельнікам Маладзёжнага міжнароднага фестывалю да 330-годдзя А. Вівальдзі ў Мінскім касцёле Найсв. Тройцы (св. Роха).
У маі 2009 года хор стаў лаўрэатам І ступені Х Міжнароднага фестывалю праваслаўных песнапенняў у Мінску. Летам таго ж года калектыў даў серыю сольных канцэртаў на XVIII Міжнародным харавым фестывалі "La Fabbrica del Canto" (Італія), удзельнічаў у пастаноўцы оперы Генры Пёрсела "Дыдона і Эней".
Хор "Salutaris" – пераможца Міжнароднага фестывалю духоўнай музыкі "Hajnówka-2010" (Польшча), Міжнароднага харавога конкурсу ў межах фестывалю "Mokranjčevi dani" (Сербія).
У 2016 выступіў з сольным канцэртам у Марыінскім тэатры ў Санкт-Пецярбургу (Расія), стаў параможцам у конкурсе сацыяльных і культурных праектаў "SocialWeekend Belarus 2016", у лістападзе заваяваў Гран-пры конкурсу "Rybnicka Jesień Chóralna" ў Польшчы.

22 КРАСАВІКА 2018, НЯДЗЕЛЯ, 20:00

Арганны канцэрт духоўнай музыкі кіно

Юлія ТАМІНЕН (арган, Фінляндыя)
Ансамбль “БОН ВАЯЖ”

У праграме:
творы кампазітараў Скандынавіі і Балтыі, а таксама духоўная музыка з кінафільмаў

Арганіст і клавесініст Юлія Тамінен нарадзілася ў Мінску, скончыла Мінскае музычнае вучылішча імя М. Глінкі па спецыяльнасці тэорыя музыкі, затым гісторыка-тэарэтычны факультэт Санкт-Пецярбургскай дзяржаўнай кансерваторыі імя М. Рымскага-Корсакава, дзе адначасова займалася па класе органа ў дацэнта Таццяны Чавусава, працавала арганістам у двух цэрквах Санкт-Пецярбурга. Працягнула навучанне ў Хельсінкі (Фінляндыя) у Акадэміі імя Я. Сібеліуса па класе органа ў прафесара Оллі Партана і па класе клавесіна (Ансі Маціла, Эліна Мустанен, Асі Картунен). Як стыпендыят фінскага культурнага фонду стажыравалася ў магістратуры Амстэрдамскай кансерваторыі (Нідэрланды) пад кіраўніцтвам прафесара Піцера ван Дайка (арган) і Менна ван Дельфта (клавесін і клавікорд).
Юлія Тамінен - лаўрэат міжнароднага арганнага конкурсу ў Алькмары (Нідэрланды), а таксама ўладальнік спецыяльнай прэміі "За лепшае выкананне барочнай музыкі" на VII Міжнародным конкурсе арганістаў імя М. Тарывердзіева ў Калінінградзе (Расія). Наведвала майстар-класы вядомых арганістаў. Выступае з сольнымі арганнай канцэртамі ў Расіі, Беларусі, Нідэрландах, Францыі, Вялікабрытаніі, Фінляндыі і іншых краінах. Працуе ў Хельсінкі арганістам у лютэранскім прыходзе і выкладае орган ва ўніверсітэце Метраполія. З'яўляецца адным з заснавальнікаў ансамбляў старадаўняй музыкі "Un'altra ondata", "Corde sonore", "Ver vitae" і "2nd floor consort". Як клавесініст рэгулярна выступае з фінскім барочным аркестрам "FIBO-Storia", а таксама супрацоўнічае з іншымі аркестрамі і харавымі калектывамі Фінляндыі.

28 КРАСАВІКА 2018, СУБОТА, 20:00

“З Христом дорогою Христа”
Фальклорны ансамбль украінскай песні і абраду “ВАТРА”

Харавая праграма ўяўляе сабой 20 ўкраінскіх харавых духоўных песень, праз якія ўмоўна можна прасачыць увесь шлях Ісуса Хрыста ад Звеставання да яго Уваскрэсення. Акрамя таго гэта тыя ўзоры ўкраінскай літургічнай музыкі, якія гучаць у храмах Украіны сёння.
У праграме прадстаўлены творы ў апрацоўках Г. Вярэты, Й. Кішакевіча, М. Дацко, Р. Хімея, І. Дуцько і інш.

Фальклорны ансамбль ўкраінскай песні і абраду «Ватра» быў заснаваны ў кастрычніку 1996 года пры Мінскім гарадскім культурна-асветніцкім грамадскім аб'яднанні ўкраінцаў «Заповiт» і фінансавай падтрымцы Рэспубліканскага цэнтра нацыянальных культур. З 2012 года калектывам кіруе Аляксандр Валодчанка. Удзельнікамі ансамбля з'яўляюцца спевакі-аматары, этнічныя ўкраінцы, якія пражываюць у горадзе Мінску і беларусы, якія маюць ўкраінскія карані і любяць ўкраінскую песню. Калектыў неаднаразова паказваў сваё мастацтва ў самых розных кутках Беларусі і Украіны, сярод якіх найбольш паспяховымі выступленнямі былі паказы на фестывалі нацыянальных культур у Гродне, у Віцебску на фестывалі «Славянскі базар», у Роўна і Жытоміры на міжнародным фестывалі зімовых абрадавых святаў «Каляда», у Каламыі на фестывалі «Коломыйка». У 2010 годзе ансамбль «Ватра» прымаў удзел і быў узнагароджаны ганаровай граматай на III ўсеўкраінскім з'ездзе украінцаў замежжа ў горадзе Львове. У 2016 - 2018 гадах у Львове калектыў таксама ўдзельнічаў у Калядным фестывале «Вялікая Каляда». У верасні 2017 ансамбль атрымаў першую прэмію на Усеўкраінскім фестывалі - конкурсе аматарскага мастацтва «Пісенні візерунки» ў горадзе Буча Кіеўскай вобласці. Ансамбль узнагароджаны ганаровай граматай Нацыянальнага Усеўкраінскага саюза музыкантаў за выдатныя дасягненні ў адраджэнні лепшых традыцый ўкраінскай вакальна-харавой культуры і шматгадовую самаадданую музычна-творчую дзейнасць.

5 МАЯ 2018, СУБОТА, 20:00

Канцэрт харавой духоўнай музыкі Аляксандра Літвіноўскага

Камерны хор “CONCORDIA”,
мастацкі кіраўнік і дырыжор – Галіна КАЗІМІРОЎСКАЯ

Анастасія ХРАПІЦКАЯ (сапрана)
Ганна КУНІЦКАЯ (сапрана)
Віктар КІСЦЕНЬ (арган)

У праграме:
Мэса “Grigorianica”
Кантата “Да Маці Божай”
Кантата “Сэрца Езуса”

Хор Concordia заснаваны ў 2007 годзе і складаецца з 25-30 чалавек: студэнтаў і людзей розных прафесій, ва ўзросце ад 18 да 60 гадоў, аматараў харавых спеваў.
Калектыў выконвае харавую музыку a cappella. У рэпертуары больш за 150 твораў самых розных эпох: адраджэнне, барока, класіцызм, рамантызм, музыка ХХ стагоддзя і жанраў: харавыя канцэрты, харавыя мініяцюры і песні, негрыцянскія спірычуэлы, песні народаў свету, традыцыныя калядкі. Значнае месца ў рэпертуары калектыва займае сучасная беларуская музыка, дзякуючы якой, хор імкнецца адкрыць Беларусь для іншых народаў.
Калектыў вядзе актыўную канцэртную дзейнасць, як у Беларусі, так і за мяжой: з'яўляецца лаўрэатам міжнародных конкурсаў і фестываляў, творчых абменаў, выступаў з канцэртамі ў Літве, Польшчы, Швецыі, Венгрыі і інш.
 

ДОБРААХВОТНЫЯ АХВЯРАВАННІ
Ў ПАДТРЫМКУ КАНЦЭРТАЎ
НА ЗАЛАТОЙ ГОРЦЫ МОЖНА СКЛАСЦІ
НА ВЫХАДЗЕ З КАСЦЁЛА

Поделиться:

Если вы заметили ошибку в тексте новости, пожалуйста, выделите её и нажмите Ctrl+Enter

Отзывы

Похожие концерты

Самые популярные концерты

  • Скидка 20% с 17 до 22 на основное меню действует по понедельникам Лилу / Lilou
Все заведения
0063297